COLLAPS

Atau ne sèi pas çò qu'ei la poesia
Lo poèta eth, qu'at sap
« La poesia qu'ei...»
e qu' at escriu capvath l'eternitat.

Qu'at martèra.

La poesia qu'ei vestida
de particularismes universaus.
La poesia qu'ei...
La poesia qu'ei... lahòra?
Com l'amor de luenh esplingat
a l'estremau escapadís

Aus casaus d'estelas
las sonsainas deus trobadors
qui guardavan adromida
la bèstia.

Las cantas d'amor que teishen
enqüèra la trama des·hèita deus ligams
qui la travavan de la part escura
de l'univèrs.

Huecs arraujós que s'i son alucats.
L'encantament que s'esbrigalha
e lo còr emposoat que'ns brutla dejà.